ការស្រាវជ្រាវលើប្រធានបទ “អាពាហ៍ពិពាហ៍នៅក្នុងរបបខ្មែរក្រហម“ នេះបង្កើតឡើងក្នុងគោលបំណងដើម្បីសិក្សាស្វែងយល់អំពី ការរៀបការនៅក្នុងរបបខ្មែរក្រហម ដែលសិក្សាទៅលើទំនាក់ទំនង និងស្ថានភាពអាពាហ៍ពិពាហ៍បច្ចុប្បន្នរបស់អ្នកដែលរៀបការនៅក្នុងរបបខ្មែរក្រហម។ ជាពិសេសការសិក្សានេះនឹងបានរំឭកអំពីការចងចាំ ការចែករំលែកបទពិសោធន៍ និងទុក្ខលំបាករបស់ពួកគាត់ផងដែរ។ គោលបំណងនៅក្នុងការសិក្សា ៖ តើការរៀបអាពាហ៍ពិពាហ៍នៅក្នុងរបបខ្មែរក្រហមមានប៉ុន្មានទម្រង់? តើការរៀបចំអាពាហ៍ពិពាហ៍ និងការអនុវត្តសកម្មភាពនៅអំឡុងពេលរៀបអាពាហ៍ពិពាហ៍ នៅក្នុងរបបខ្មែរក្រហមប្រព្រឹត្តទៅយ៉ាងណាដែរ? តើអ្នករៀបអាពាហ៍ពិពាហ៍នៅក្នុងរបបខ្មែរក្រហមបានមានចំណងគ្រួសារដល់ពេលបច្ចុប្បន្នយ៉ាងណា?