មូលនិធិតូក្យូ (Tokyo Foundation) បានប្រគល់សៀវភៅចំនួន ៣២ ក្បាល មកខាងបណ្ណាល័យ មជ្ឈមណ្ឌលតម្កល់ឯកសារច្បាប់ពាក់ព័ន្ធនឹង អ.វ.ត.ក. នៅថ្ងៃព្រហស្បតិ៍ ១៣ កើត ខែជេស្ឋ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១ ខែមិថុនា ឆ្នាំ២០២៣ ក្រោមគម្រោង "Read Japan Project" តាមរយៈការសម្របសម្រួលដោយស្ថានទូតជប៉ុន ក្នុងគោលបំណងគាំទ្រការសិក្សាស្រាវជ្រាវនៅកម្ពុជា ព្រមទាំងការស្វែងយល់ពីគ្នាទៅវិញទៅមករវាងប្រទេសទាំងពីរ (កម្ពុជា-ជប៉ុន)។
តាងនាមឲ្យមជ្ឈមណ្ឌល យើងខ្ញុំពិតជាមានសេចក្តីរំភើបរីករាយក្រៃលែង ដែលខាង Tokyo Foundation បានប្រគល់សៀវភៅទាំងនេះជូនមកខាងមជ្ឈមណ្ឌល ដើម្បីដាក់ក្នុងបណ្ណាល័យ សម្រាប់សាធារណជនបានអាន និងស្រាវជ្រាវបន្ថែម។
ជាចុងក្រោយ យើងខ្ញុំសូមថ្លែងអំណរគុណយ៉ាងជ្រាលជ្រៅជូនចំពោះ Tokyo Foundation និងរដ្ឋាភិបាលជប៉ុន ដែលកន្លងមកបានយកចិត្តទុកដាក់លើការគាំទ្រ និងផ្តល់ជំនួយដល់មជ្ឈមណ្ឌល ក៏ដូចជាវិស័យសិក្សាស្រាវជ្រាវនៅកម្ពុជាផងដែរ។
បទបង្ហាញពី ម.ត.ឯ.ច.
សកម្មភាពការងាររបស់ ម.ត.ឯ.ច.(LDC)
អំពី ម.ត.ឯ.ច.