សប្ដាហ៍កន្លងទៅនេះ មជ្ឈមណ្ឌលតម្កល់ឯកសារច្បាប់ (ម.ត.ឯ.ច.) ពាក់ព័ន្ធនឹងអ.វ.ត.ក.បានបន្តសហការជាមួយអ.វ.ត.ក. ក្នុងកម្មវិធីផ្សព្វផ្សាយរបស់មជ្ឈមណ្ឌលធនធាន អ.វ.ត.ក. ចល័ត រយៈពេល៤ថ្ងៃ ដោយចាប់ពីថ្ងៃទី៤ ដល់ថ្ងៃទី៧ ខែមិថុនា ឆ្នាំ២០២៤ នៅតាមវិទ្យាល័យចំនួន៤ ក្នុងខេត្តកណ្ដាល រួមមាន ៖ ១. វិទ្យាល័យ ហ៊ុន សែន សេរីភាព ក្រុងតាខ្មៅ, ២. វិទ្យាល័យជ័យវរ្ម័នទី៧ ស្រុកកៀនស្វាយ, ៣. វិទ្យាល័យ ហ៊ុន សែន ខ្សាច់កណ្ដាល ស្រុកខ្សាច់កណ្ដាល និង ៤. វិទ្យាល័យព្រែកស្លែង ស្រុកកណ្ដាលស្ទឹង។
នៅក្នុងកម្មវិធីផ្សព្វផ្សាយទាំង៤ថ្ងៃនេះ មានសិស្សានុសិស្សសរុបប្រមាណ៣.៥១៤នាក់ បានចូលរួមការស្ដាប់ការធ្វើបទបង្ហាញ, ការដាក់តាំងបង្ហាញអំពីសមិទ្ធផល និងកេរដំណែលរបស់អ.វ.ត.ក., មុខងារសេសសល់របស់អ.វ.ត.ក. និងចូលសិក្សាស្វែងយល់ធនធាននៅក្នុងមជ្ឈមណ្ឌលធនធាន អ.វ.ត.ក. ចល័តនេះផងដែរ