ម.ត.ឯ.ច. ៖ ទីស្ដីការគណៈរដ្ឋមន្ត្រីដោយមានមជ្ឈមណ្ឌលតម្កល់ឯកសារច្បាប់ពាក់ព័ន្ធនឹងអ.វ.ត.ក. (LDC) រួមជាមួយនឹងអ.វ.ត.ក. (ECCC) បានសហការជាមួយមជ្ឈមណ្ឌលឯកសារកម្ពុជា (DC-Cam) រៀបចំសន្និសីទលើកទី១ «អនាគតកម្ពុជាដោយគ្មានអំពើប្រល័យពូជសាសន៍» ចាប់ពីថ្ងៃទី២០ ដល់២២ ខែឧសភា ឆ្នាំ២០២៤ នៅអតីតសាលសវនាការសាលាក្តីខ្មែរក្រហម ដែលបច្ចុប្បន្នត្រូវបានប្រសិទ្ធនាមថា «សាលយុត្តិតេជោ»។
នៅក្នុងពិធីបើកនាថ្ងៃទី២០ ខែឧសភា ក្រោមអធីបតីភាពដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា សម្ដេចធិបតីបានមានប្រសាសន៍អំពាវនាវឲ្យមានការបន្តការគាំទ្រពីគ្រប់ភាគីពាក់ព័ន្ធទាំងអស់ នៅក្នុងការផ្សព្វផ្សាយ អប់រំ អំពីអំពើប្រល័យពូជសាសន៍។ ព្រមទាំងថ្លែងបន្តថា «...អនាគតប្រទេសមួយ គឺពឹងផ្អែកលើឆន្ទៈរបស់ប្រទេសនោះ ក្នុងការប្រឈមមុខជាមួយនឹងអតីតកាល ប៉ុន្តែដើម្បីធ្វើបែបនេះបាន លុះត្រាតែប្រជាជាតិនោះ មានការឯកភាពគ្នាលើការបកស្រាយអំពីអតីតកាល និងព្រឹត្តិការណ៍ប្រវត្តិសាស្ត្រសំខាន់ៗ ដែលទាក់ទងនឹងសង្គ្រាម និងសន្តិភាពរបស់ប្រទេស។...»
បទបង្ហាញពី ម.ត.ឯ.ច.
សកម្មភាពការងាររបស់ ម.ត.ឯ.ច.(LDC)
អំពី ម.ត.ឯ.ច.