សិស្សានុសិស្សនៅវិទ្យាល័យសុខាផល្លី វិទ្យាល័យ ហ៊ុន សែន កំពង់ស្ពឺ វិទ្យាល័យ ហ៊ុន សែន ចំបក់ និងវិទ្យាល័យ ហ៊ុន សែនបាត់ដឹង បានចូលរួមស្តាប់ការធ្វើបទឧទ្ទេសនាមពី ក្រុមការងារនៃមជ្ឈមណ្ឌលតម្កល់ឯកសារច្បាប់ពាក់ព័ន្ធនឹង អ.វ.ត.ក.។ ដំណើរការចុះផ្សព្វផ្សាយដែលរៀបចំឡើងដោយមជ្ឈមណ្ឌលតម្កល់ឯកសារច្បាប់ពាក់ព័ន្ធនឹង អ.វ.ត.ក. (LDC) និងឧបត្ថម្ភដោយ ជំនួយរដ្ឋាភិបាល និងប្រជាជនជប៉ុន ធ្វើឡើងក្នុងគោលបំណងដើម្បីផ្តល់ការសិក្សាស្វែងយល់អំពីដំណើការរបស់សាលាក្ដីខ្មែរក្រហមក្នុងការជំនុំជម្រះក្តីលើអតីតមេដឹកនាំជាន់ខ្ពស់ និងអ្នកទទួលខុសត្រូវខ្ពស់ក្នុងឧក្រិដ្ឋកម្មធ្ងន់ធ្ងរបំផុតនៅក្នុងអំឡុងរបបខ្មែរក្រហម ក៏ដូចជាការសិក្សាស្វែងយល់បន្ថែមអំពីប្រវត្តិសាស្ដ្រនៃរបបកម្ពុជាប្រជាធិបតេយ្យ និងបញ្ជ្រាបព័ត៌មានអំពីកិច្ចការងារស្នូលរបស់មជ្ឈមណ្ឌលតម្កល់ឯកសារច្បាប់ (LDC) ដែលជាកន្លែងរក្សានូវកេរដំណែលរបស់សាលាក្តីខ្មែរក្រហមសម្រាប់ទុកជាប្រយោជន៍សាធារណជន៕ យើងអនុវត្តវិធានការណ៍ រក្សាគម្លាត ៣កុំ ៣ការពារ។ កម្មវិធីនេះឧបត្ថម្ភដោយ៖ រដ្ឋាភិបាល និងប្រជាជនជប៉ុន។

Sokha Phally High School

Hun Sen Kampong Speu High School

Hun Sen Chambok High School

Hun Sen Bat Deng High School